Buஸூly

என் தாய்க்கு

2010-05-06T21:36:00.000-07:00

எப்படி அம்மா உன்னால் முடிகிறது ?????

சுமக்கிராயே என்னை 10 மாதம் கழிந்தும்,
கங்காரு போல் சுமக்கிராயே என்னை......!!!
ஒரு கணம் நான் எண்ணியதில்லை
நீ இல்லா உலகில் நான் எப்படியென்று...!!!
கோழைத்தனம் உன் பிரிவை கற்பனை பண்ணி பார்க்க கூட அனுமதித்ததில்லை
கடவுளுக்கு என் மேல் அலாதி பிரியமோ உன்னை என் தாயாக்கி விட்டான்

நான் எத்தனை முறை பிறந்தாலும் உன் பிள்ளையாய் பிறந்திட வேண்டும்
பிழை பொறுக்கும் உன் குணத்தில் ஒரு பாதி இருந்தாலே நான் மகான் அல்லவா

அகிலமே அழிந்தாலும் நீ ஒன்று போதும் எனக்கு
நீ மறைந்தால் மறையுமே என் அதிஷ்டம் என்னை விடுத்து

இத்தனை நாள் சென்றாலும் இன்றும் நான் உன் செல்லபிள்ளை
ஈன்றெடுத்த முதல் நாளில் எப்படி நீ பார்த்தாயோ
அப்படியே பார்கிறாயே இன்று வரை ஒரு குறையின்றி

அகராதி புரட்டிப்பார்த்தேன் அர்த்தமான வார்த்தைக்காக
கண்டுகொண்டேன் கண்டுகொண்டேன்
அன்னை என்ற சொல்லிற்கே அகராதி நீ தான் என்று

நான் சேர்த்து செல்வங்கள் கரைந்துவிடும் நொடிப்பொளுதுதனில்
கரையாத ஒரு செல்வம் என்றும் என் அன்னை நீயே அம்மா............!!!!

கொடியது கொடியது காதல் மிக கொடியது ...!!!!

2010-05-06T02:41:00.000-07:00

கொடியது கொடியது காதல் கொடியது...........!!!
கொட்டுகின்ற மலையினுளும் கொளுத்தி எரிக்கும் காதல் கொடியது
நினைவுகள் நீண்டிடும் அதுவே உன்னை வருத்திடும்
மீதமேதோ கண்ணீர் ஒன்றே
துடைத்துவிட அருகில் இல்லை என்னவளே என்று நீ இருப்பாய்
சோகமாய் உன் வாழ்க்கை சூழ்ந்துவிடும் காரிருள் மேகமாய்

நெடுநாட்கள் ஓடினாலும் ஒரு நாளும் முடியாது
மீண்டும் மீண்டும் உன்னை வருத்திடும் காதல் கொடியது

உருக்குகின்ற இரும்புனில் உண் உருவம் படைத்திடலாம்
உறையாது ஒருநாளும் உன்னவளின் கொடிய உள்ளம்
உருகி உருகி காதலிப்பாய் உன்னவளின் உள்ளம் உருகிவிட
உன்னை கண்டால் குருடன் ஆவாள்
பேச்சு இன்றி மௌனமாவால்
கொடியது கொடியது காதல் மிக கொடியது

சம்மட்டி அடித்திடுவார் அன்றும் அவள் நினைவுகள் தொடர்ந்திடுமே
கரையாத ஒரு உள்ளம் அப்போதும் கரையாது
கொடியது கொடியது இந்த காதல் கொடியது ....!!!!

அதிவேக இணையம் உங்கள் கையில்........

2009-10-31T21:00:00.000-07:00

இன்று அநேகமானவர்களின் வீடுகளில் இணைய வசதியானது சர்வசாதரணமான ஒரு தேவையுடைய ஒன்றாக பரிணாமம் எடுத்துள்ளது. அதே போல் இச் சேவையினை வழங்கும் சேவை வழங்குனர் மத்தியிலும் பல் தர பட்ட விதமான அளவீடுகள் முறைமைகளில் தமது சந்தாதாரர்களை கவரும் விதத்தில் சேவை வழங்கப்பட்ட வண்ணம் தான் இருந்து கொண்டிருக்கிறது.

ஆரம்பத்தில் இணைய வசதி கம்பி ( Cable ) மூலம் வழங்கப்பட்ட போதும் தற்பொழுது நவீன முறைமைகள் அறிமுகப்படுத்தப்பட்டு வலையமைப்புகள் மூலமாக இணைய வசதியினை வழங்குமளவிற்கு தகவல் தொழிநுட்பம் வளர்ந்து நிற்கிறது.

இதன் ஒரு பகுதியாக தான் HSDPA ( High Speed Down Link Packet Access ) என்ற இணைய வசதியினை எங்கும் எடுத்து செல்லும் வசதியை வழங்குவதே இதன் நோக்கமாகும். இதன் மூலம் பரந்தளவிலான அதிவேக இணய வசதியனை செல்லும் இடமெல்லாம் எடுத்து செல்ல கூடிய வகையில் வடிவமைக்கப்பட்ட USB சாதனமே இந்த HSDPA ஆகும்.

ஒப்பீட்டளவில் கம்பி மற்றும் பரந்தளவிலான இணைய சேவையினை விட இதன் வேகம் அதிகமானதாகவே காணப்படுகிறது. இதன் மூலம் சுமார் 3 .6 Mbps - 7 .2 Mbps இடையே வரையிலான தரவிறக்கம் மற்றும் தரவேற்ற வேகத்தினை வழங்கும் திறன் கொண்டது. இருந்த போதும் சேவை வழங்குனர்களின் வரையறைக்கேற்ப இதன் தரவிறக்க தரவேற்றம் காணப்படும்.

இலங்கையை பொறுத்தவரை இச்சேவையினை முதற் தர சேவை வழங்குனர்களான Mobitel மற்றும் Dialog நிறுவனங்கள் சந்தாதாரர்களின் வசதிக்கேற்ப தெரிவு செய்து கொள்ள கூடிய வகையில் பொதி முறைமைகளை அறிமுகம் செய்து வழங்கி வருகிறார்கள். ஏற்கனவே கூறியது போல் இணையத்தில் வேகம் காணப்படுகின்ற போதும் இதன் சேவையானது 3G (3rd Generation ) வலையமைப்பு உள்ள இடங்களிலேயே பெறக்கூடியதென்பது சந்தாதாரர்களுக்கு எமாற்றத்தை தரும் விடயமாகவே காணப்படுகிறது.

HSDPA ஒன்றின் விலை இலங்கை நாணய பெறுமதிப்படி சுமார் 6000 தொடக்கம் 17000 வரையில் காணப்படுகிறது. விலை வித்தியாசம் செயற்த்திரங்களுக்கேற்ப வேறுபடுகின்ற அதே வேலை அநேகமான தருணங்களில் சேவை வழங்குனர்களே தமது இணைப்புடன் இதையும் வழங்குகிறார்கள். சேவை வழங்குனர்கள் தமது சேவையினை மாத்திரம் பயன்படுத்த கூடிய வகையில் வடிவமைத்தே இதனை சந்தையில் விநியோகம் செய்துவருகின்ற போதும் ஏனைய சேவை வழங்குனர்களின் இணைய வசதியினை இணைப்பதற்கேற்ற முறையில் இதனை சீர் செய்து கொள்ள முடியும்.

நீங்கள் அடிக்கடி பிரயாணம் செய்பவராக இருந்தால் வித்தியாசமான அடுத்த தலைமுறையினருக்கான அதிவேக இணைய வசதியினை அனுபவிக்க நீங்கள் தகுதியுடையவர்.

உங்களில் எவறும் இந்த HSDPA பாவனையாளராக இருந்தால் உங்கள் அனுபவங்களை பகிர்ந்து கொள்ளலாமே......

காதலில் எத்தனை விதம்...........????

2009-10-26T06:52:00.000-07:00

ஒரு சில நாட்கள் எழுதாமல் விட்டால் அதுவே பழக்கமாய் போய் முதுகில் ஏறி இருந்து எதுக்குயா இதலாம் நமக்கிருக்க வேலையில இதலாம் தேவையான்னு ஒரு கேள்வி வேற அதுக்கு பக்க வாத்தியமா நம்ம மனசு வேற அதானேன்னு இருந்தாலும் நாங்கலாம் அப்படி இருந்திட மாட்டம்ல.......

சரி சரி மொக்கைய போடாம மேட்டருக்கு வாயா எண்டு சொல்றிங்களா? இன்றைய நமது வாழ்வில் எத்தனையோ மாற்றங்கள் வந்துகொண்டு தான் இருக்கிறது அது தகவல் தொழினுட்பமாக இருந்தாலும் சரி கிரிக்கெட்டின் T20 யாக இருந்தாலும் சரி எல்லாம் காலத்தின் தேவையால் மாற்றமடைந்து கொண்டு தான் இருக்கிறது மாற்றமடையவும் செய்யும் .

ஆனால் இதெல்லாம் இப்படியிருக்க நம் காதல் மட்டும் எப்படியிருக்கிறது என்று ஒரு மொக்கை பதிவிடலாமே என்று தோன்றியது.இன்று நமக்கு தெரிந்த எத்தனை விதமான காதல் இருக்கிறதென்பதை பார்க்கலாம்.உங்களுக்கு தெரிந்தாலும் பின்னூடமும் இடலாம்.

உலகையே ஆட்டிவைக்கும் இந்த காதல் தாரக மந்திரம் எப்படியெல்லாம் வருகிறது என்பது ஒரு ஆச்சரியம் தான், காரணம் நம்மை போன்றவர்களுக்கும் வருவதால் தான்.( ஹையோ ஹையோ )

பள்ளிகூட காதல்-இது என்னவோ பருவ வயதில் பள்ளிக்கூடத்தில் இருக்கும் பருவ வயதினருக்கு ( பள்ளி கூடத்தில படிகிறவன் பருவ வயசுகாரன் தானேயா???) வந்துவிடுகிறது. ஆனால் இதற்க்கென்னவோ அந்தளவாக வரவேற்பு இருப்பதில்லை காரணம் சிறு பிள்ளை விளையாட்டு என்பதாலோ என்னவோ??? நான் அறிந்து காதலித்த என் பாடசாலை நண்பர் எவறும் அதை தொடர்ந்ததாக தெரியவில்லை. வாழ்க சமுதாயம்....!!!

பார்த்ததும் காதல்- இவர் தான் ஓரளவு பிரபல்யாமான நபர் அநேகமான பசங்களுக்கும் பார்த்ததுமே பத்திகிறது இது தான்.நமக்கு கூட சிம்ரன்,த்ரிஷா,மற்றும் நமிதாவ பாத்தப்ப கூட வந்திச்சு.இத வச்சு தான் இன்று வரைக்கும் தமிழ் சினிமா ஓடுறது ஒடிக்கிட்டிருக்கு, ஓடட்டுமே உங்க பொழைப்புல நாங்க மன்ன அள்ளி போட விரும்பலப்பா.... ஆனா கொஞ்சம் எங்களுக்கும் சொல்லி தந்தா நல்லா இருக்குமே.......!

பழகிய பின் காதல்-இது என்னவோ ஓரளவு வெற்றியளித்து கொண்டு தான் இருக்கிறது காரணம் பார்த்ததும் பத்திக்கிரதை விட இது ஓரளவு புரிந்துணர்வின் பின்னர் வருவதாலோ என்னவோ. இருந்தாலும் இந்த காதலை சொல்ல போய் தன் நண்பியை இழந்த நண்பர்களும் இருக்க தான் செய்கிறார்கள்.

இப்ப நாம காலடி எடுத்து வைக்க போறது லேட்டஸ்ட் டெக்னாலஜி காதல்கள்.
அது என்ன அப்படி காதல்னு நினைக்காதிங்க எல்லாம் நமக்கு பழக்கமான காதல் தான்,அதான் SMS Chat Email FB இப்படி இருக்க காதல், இன்னொரு காதலும் இருக்கு missed call காதல்இது சற்று வித்தியாசமான காதல்.

இதில் என்ன பெரிய கொடுமைஎன்றால் சிலர் பார்காமலே காதலிக்கிறார்கள் என்னப்பா நீங்க என்ன காதல் கோட்டை அஜித்தும் தேவயானியுமா என்ன? Wrong no காதல் ஒரு வித்தியாசமான காதல் தெரியாத ஒரு நம்பரை அழைத்து அதில் பெண் குரல் கேட்டால் தொடர்ந்து அழைத்து பேசினால் கடலை போடும் ஒரு வகை காதல். பாத்துப்பா இப்பெல்லாம் எல்லா recorded voice எல்லாம் பெண்கள் தான் அது புரியாம அவவ காதலிச்சு தொலச்சிட போறீங்க.

இந்த chat அதாவது இணையம் மூலமான காதல் எப்படி வருகிறது எப்படி தொத்திகிறது என்றே புரிய மாட்டேங்குது கண்டம் கடந்து காதல் வருகிறது ஆனால் ஒரு doubttu பா நம்ம விஜய் டிவி லொள்ளு சபால சொல்ற மாதிரி சொன்னா அண்ணே எனக்கொரு doubttu இந்த இனைய காதல் எல்லாம் இணையுதா?

சில கடற்க்கரை காதல்களும் உண்டையா.............!!!!

இப்படி எத்தனயோ விதமான காதல் இருந்துக்கிட்டு தான் இருக்கு எனக்கு ஏதோ கொஞ்சம் தெரியும் உங்களுக்கு தெரிஞ்சாலும் சொல்லுங்கப்பா கொஞ்சம் பொது அறிவ வளத்துக்கலாம்................

மன்னனுக்கு ஒரு மகுடம்....!!!

2009-10-08T20:21:00.000-07:00

கமல் ஹாசன்....! இவரின் நாமம் அறியாத தமிழன் இருத்தல் அறிதே என்றுதான் சொல்ல வேண்டும் அந்த அளவுக்கு புகழின் உச்சியை சினிமாவில் சாதித்ததன் மூலம் மக்களின் மனதையும் வெற்றி கொண்டவர்.களத்தூர் கண்ணம்மாவில் அனைத்து உள்ளங்களையும் கொள்ளை கொண்ட அந்த பச்சிளம் பாலகன் இன்றுவரை அதே இடத்தில் இருப்பதென்பது சாதாரணமான ஒரு விடயம் இல்லை என்பது யாவரும் நன்கறிந்ததே.

களத்தூர் கண்ணம்மாவில் என்னவோ நேற்று தான் பார்த்தது போல் இருந்தது ஆனால் இவர் சினிமாவிற்கு வந்து 50 வருடங்கள் ஆகிவிட்டதாம் என்பதையே தனியார் தொலைக்காட்சியொன்று இவரை கௌரவ படுத்தும் விதத்தில் ஒழுங்கு செய்திருந்த அனைத்து இந்திய நச்சத்திரங்கள் கலந்து கொண்ட நிகழ்ச்சியில் தெரிந்தது.இந்த நிகழ்வில் இசைஞானி இளைய ராஜா,சூப்பர் ஸ்டார் ரஜினி காந்த் ( பெயர கேட்டாலே சும்மா அதிருதில்ல) ஆஸ்கார் புயல் எ.ஆர்.ரஹ்மான்,மம்முட்டி,சிரஞ்சீவி,மோகன் லால் போன்ற நச்சத்திர அந்தஸ்து நாயகர்கள் மேடையை அலங்கரித்தது இவர் மேல் வைத்திருக்கும் கெளரவம் மற்றும் அவருக்கு கொடுத்த மரியாதையை காண்பித்தது.

கமல் ஹாசனின் திரை உலக பயணத்திற்கு களத்தூர் கண்ணம்மா வித்திட்டிருந்தாலும் அவரிற்கு கதா நாயகன் அந்தஸ்தை அவ்வளவு இலகுவாக பெற்று கொடுத்திருக்க வில்லை.ஆண்களின் அழகிற்கு இலக்கணம் கூறுமளவில் இருந்த கமழும் சினிமாவில் சற்று முயன்றே தான் முன்னாள் வந்தவர்.இவரின் முயற்சிகள் இவரை ஒரு நடிகன் என்பதையும் தாண்டி இயக்குனர்,பாடகர்,நடன இயக்குனர் என்று பல பரிணாமங்களை தொட்டிருக்கிறது.எதையும் வித்தியாசமாய் செய்ய வேண்டும் என்ற எண்ணமே இவரின் வெற்றிக்கு விருந்தாய் இருந்தது.அதே தருணம் இவர் கமல் என்பதால் எல்லாம் வெற்றியில் மட்டும் முடியவில்லை சில தோல்விகள் சோதனைகளும் கூட இருந்தன அவைகளை கண்டு அவர் ஒரு போதும் ஓடியதாகவோ இல்லை ஒதுங்கியதாகவோ தெரியவில்லை.தான் ஒரு நச்சத்திர அந்தஸ்தை எட்டியிருந்த போதும் அவரின் தேடலிலும் புதிய பல முயற்சிகளை முயற்சித்து பார்ப்பதிலும் அவர் என்றும் பின் நின்றதில்லை.தன் சிறுவயதிலேயே பாரிய பல கதாபாத்திரங்களை முயன்றவர் இன்றைய தன் 50 வருட சினிமாவிலும் வித்தியாசமான கதா பாத்திரங்களை தேர்ந்தெடுத்து அதற்கேற்றால் போல் தன்னை ஒழுங்கமைத்து வழங்குவதென்பது அவ்வளவு இலகுவானதல்ல என்பது யாவரும் அறிந்த ஒன்றே.

நிச்சயமாய் இன் நிகழ்வு தொலைகாட்சியில் ஒளிபரப்பானதும் பல பதிவர்கள் வித்தியாசமான சிந்தனை கருத்துக்களோடு உங்களை சந்திபர் என்று எண்ணுகிறேன்.

இந்நிகழ்வை ஒழுங்கு செய்திருந்த இந்திய தொலைக்காட்சிகளின் புதிய பல நிகழ்ச்சிகளை தமிழர்களுக்கு அறிமுகம் செய்துவைத்த பெருமைக்குரிய விஜய் டிவி இன் நிகழ்வினை எதிர்வரும் 12 ,13 ஆம் திகதி மக்களுக்காக ஒளிபரப்பு செய்ய விருக்கிறார்கள்.அதில் நிச்சயமாக யார் யார் என்ன என்ன சொல்லி இவரை பாராட்டினார்கள் என்பதை தெரிந்து கொள்ளலாம் அதற்க்கு முன்னர் சில நிகழ்வின் நிழல்கள் உங்களுக்காக.

நிகழ்வில் ஆச்சியை காணக்கிடைகவில்லையே என்னவா இருக்குமோ ?????

ஏதோ நம்மளால முடிந்தது............. நாராயணா நாராயணா..............!!!

Facebook vs Twitter யாரின் அலுவலகம் சிறந்தது..............!!!

2009-10-07T07:41:00.000-07:00

இன்றைய தகவல் தொழினுட்பத்தின் வளர்ச்சி சற்றும் எண்ணிப்பார்க்க முடியாதளவிற்கு உலகை வியாபித்திருக்கிறது.ஆரம்பத்தில் கணினி,வலையமைப்பு,மின்னஞ்சல் என்பதே ஏதோ மனித சிந்தனைக்கு எட்டாத ஒன்றாகவே காணப்பட்டது பார்க்கப்பட்டது.காலப்போக்கில் பழக்கப்பட்ட மனிதன் இன்று பல சமூக வலையமைப்புகள் மூலம் தமது பள்ளிக்கூட,பல்கலைக்கழக,அலுவலக நண்பர்களோடு தொடர்பில் இருக்கிறார்கள்.இத்தகைய சமூக வலைப்பின்னல் சேவையினை பலதரப்பட்ட போட்டி நிறுவனங்கள் வழங்கி வருகின்ற போதும் முன்னிலையில் என்னவோ Twitter,Facebook ஆகியனவே பெரும்பாலனவர்களால் உலகளவில் உபயோகிக்கப்பட்டும் அறியப்பட்டும் இருக்கிறது.தமது சந்தாதாரர்களுக்கு இவர்களோ இலவசமாக சேவையினை வழங்குவது மாத்திரமன்றி தமது வலையமைப்பை தொடர்ந்து முன்னிலையில் வைத்திருக்க கண்டிப்பாக பெறும் பாடு படுகிறார்கள்.

இது இவ்வாறு இருக்க சில அலுவலகங்களில் இத்தகைய சமூக வலைத்தளங்களை பாவிப்பதை தடைசெய்து வைக்கிறார்கள் காரணம் தமது ஊழியர்கள் இதற்கு அடிமையாகி இருப்பதால்.

இத்தகைய சேவையினை வழங்குவதற்காக இரவு பகலாய் இவர்கள் உழைக்க வேண்டிய தேவையும் இருக்கிறது.இவ்வாறான சந்தர்பங்களில் இவர்களின் அலுவலக சுற்றுப்புற சூழல் இவர்களின் மனநிலையினை எப்பொழுதும் ஆரோக்கியமானதாகவும் புதிய பல சிந்தனைகளை எண்ணங்களை தோற்றுவிக்க கூடிய நிலையிலும் பேணிப்பாதுகாக்க கூடிய நிலையிலும் இருத்தல் இன்றியமையாத ஒன்றாகவே இருக்கிறது.

இதை உணர்ந்து கொள்ளும் இவர்களின் முகாமைத்துவம் எந்த வகையில் இவர்களின் அலுவலகங்களை இவர்களுக்குரிய முறையில் வடிவமைத்து கொடுத்திருக்கிறது என்பதனை நாம் இப்பொழுது பார்க்கலாம்.

Facebook வலையமைப்பின்அலுவலக தோற்றம்

Twitter வலையமைப்பின் அலுவலக தோற்றம்

அவ்வளவு தாங்க எரிச்சலா இருந்தா தாரளமா உங்க எரிச்சல்கள் எல்லாம் பின்னூட்டமா இடலாம்.முடிஞ்சா உங்க Boss ஐ கூட இங்க கூட்டி வந்து காட்டுங்க பாருயா நீயும் வச்சிருக்கே ஒரு ஆபீஸ்.......! அப்படினு

பதிபவனுக்கே ஒரு பதிவு..............!!!

2009-10-06T08:07:00.000-07:00

பதிவில் எழுத ஆரம்பித்து சொற்ப காலமே ஆனதால் சில தொழிநுட்ப சிக்கல்கள் மற்றும் பதிவை மெருகூட்டும் செயற்பாடுகளை அவ்வப்போது முயற்சித்து பார்ப்பதுண்டு கணினியில் நான் கற்றுக்கொண்ட ஓரளவு அறிவு ஏதோ என் அன்றாட வேலைகளை சிரமமில்லாமல் செய்துகொள்ள உதவுகிறது. இருந்தாலும் பதிவுகளை பதிவிடுவதில் நாம் தாங்கி வரும் பதிவின் கருத்தம்சம் எந்தளவு முக்கியம் பெறுகிறதோ அதேயளவு பதிவுகளின் தோற்றம் அதில் காணப்படும் சில தகவல்கள் நம் விருந்தாளிகளை கவருகிறது என்பதனை நான் நண்பர்களின் பதிவுகளுக்கு செல்லும் போது உணர்ந்து கொண்டேன்.

இருந்த போதும் அத்தகைய மனங்கவர் தொழிநுட்ப அம்சங்களை எப்படி என்பதிவில் இணைத்துக்கொல்வதென்பது எனக்கு அவ்வளவு இலகுவாக புரியவில்லை.இருந்த போதும் சிறுதுசிறிதாக முயற்சித்து என்னால் முடிந்தளவு என் பதிவுப்பக்கதை மெருகேற்றிக்கொண்டிருக்கிறேன். நான் பதிவிற்கு புதியவன் என்பதையோ அல்லது என்பதிவில் விருந்தாளிகளின் எண்ணிகையை அதிகரித்து கொள்ள வேண்டும் என்றெண்ணிய சக பதிவர் தமிழினி என் பதிவிலும் விருந்தாளிகள் இலகுவாக என் முன்னைய பதிவுகளை அடையாளம் கண்டுகொள்ள உதவும் வகையில் வடிவமைக்கப்பட்ட ஒரு வலைத்தொடர்பை எனக்கு அனுப்பி வைத்தார். முயற்சித்து பார்த்த எனக்கும் அதில் வெற்றி கிடைத்தது, அதனால் நானும் மட்டற்ற மகிழ்ச்சியடைந்தேன்.நன்றிகள் தமிழினி

தொடர்ந்து என் பதிவுப்பக்கத்தின் முகப்பு பக்கத்தை மனதைகவரும் வகையில் மாற்றியமைக்க எண்ணிய நான் அதற்குரிய முயற்சியில் இறங்கினேன்.என் முயற்ச்சிக்கு பலனாக மேலும் ஒரு வெற்றி கிடைத்தது இருந்த போதும் இன்றுவரை என் பதிவிற்கு வருகை தந்திருந்த பல் நாட்டு விருந்தாளிகளின் எண்ணிக்கையை கணக்கிடும் விருந்தாளி கணக்கெடுப்பான் துரதிஷ்ட வசமாக என் பதிவுப்பக்கத்தில் இருந்து மறைந்து சென்றது. இதை மீண்டும் எப்படி நிறுவுவது என்பதிலேயே என் முழுக்கவனமும் அவாவும் வியாபித்திருந்தது.

முடியுமான அளவு அனைத்து வலைப்பக்கங்களிற்கும் சென்று அதை மீண்டும் எப்படியாவது நிறுவிவிட வேண்டும் என்று தேடிய போது என்னால் என் முன்னைய விருந்தாளி கணக்கெடுப்பானை கண்டுபிடிக்கமுடிந்தது எதையோ சாதித்த மனதோடு அதை என் பதிவிலும் நிறுவி முடித்தேன் பின்னர் தான் புரிந்தது நான் நிறுவிய கணக்கெடுப்பான் தன் பணியை புதிய ஆரம்பத்தில் இருந்து மீண்டும் செய்யப்போகிறான் என்று.இங்கு நான் எமாற்றமடைந்தவானாய் இனி மேலும் ஏதாவது மாற்றங்கள் செய்வதாயின் மிக கவனத்துடன் செய்ய வேண்டும் என்பதை என்னுள் திணித்துக்கொண்டேன்.

புதிய பல பதிவர்களே இந்த பதிவு நம் எல்லோருக்கும் ஒரு பதிவாய் இருக்கட்டும்......

திருமணத்தையும் வித்தியாசமாக செய்பவர் கமல்...........!

2009-10-05T09:26:00.000-07:00

எதையும் வித்தியாசமாக செய்து பார்க்க வேண்டும் என்பது தான் டாக்டர் கமல் ஹாசனின் விருப்பம் அது நிழலாக இருந்தாலும் சரி நிஜமாக இருந்தாலும் சரி.இவ்வாறு ஒரு முயற்சி அல்லது முறைமையை கமல் ஹாசன் தனது திருமணத்திலும் செய்து கொள்ள விரும்பினார்.திருமணம் என்பதென்னவோ 1000 காலத்து பயிர் என்பதிலெல்லாம் இவருக்கு துளியளவும் நம்பிக்கையில்லை.ஹாலிவுட் நச்சத்திரம் போல் தன்னை காட்டிக்கொள்ள எத்தனித்தவர் அவரது வாழ்கையையும் அதே பாதையில் தேர்ந்தெடுத்ததென்னவோ சரியான ஒன்றா என்பதை எவராலும் ஆணித்தரமாய் கூறமுடியவில்லை.

அண்மையில் டாக்டர் கமல் ஹாசன் தனது திருமணம் சம்பந்தாமாக தொலைகாட்சி ஒன்றுக்கு அளித்த பேட்டி.குடும்பங்கள் சக்தி வாய்ந்தவை இருந்தாலும் திருமணங்கள் தோல்வியில் முடிகின்றன எனவே திருமணங்கள் தேவையில்லை என்ற கருத்தை பதிவு செய்திருந்தார்.இதே கருத்தை வேறு யாராவது சினிமா சம்பந்த பட்டவர்கள் பதிவு செய்திருந்தால் ஒரு வேலை பூகம்பம் கிளம்பினாலும் கிளம்பியிருக்கலாம்.டாக்டர் கமல் ஹாசன் வாணி கணபதி,சரிகா ஆகியவர்களை திருமணம் செய்திருந்தார்.அதன் போது அவர் கூறினார் எனக்கு பிடித்தவர்களின் ஆசையை நிறைவேற்ற நான் செய்த முட்டாள் தனமான செயல்தான் திருமணம் என்று.அத்தோடு நான் விரும்பிய பெண்ணோடு இருக்க நான் கொடுத்த விலையும் தான் இந்த திருமணம்.(இப்ப புரியுதாய்யா ஏன் உங்க திருமணம் தோல்வியில முடிஞ்சுதுன்னு?)

மனைவி வாணி கணபதியுடன்

தொடர்ந்து குறுக்கிட்ட நிருபரோ அப்படியானால் ஏன் இரண்டு பிள்ளைகள் பெற்ற பின்னரும் சரிகாவை மணம்முடித்தீர்கள் என்று வினவினார்.பதிலத்த டாக்டர் கமல் ஹாசன் ஹோட்டேல்களில் இடம் எடுத்து தங்குவதில் ஏற்பட்ட சிரமங்களை தவிர்பதற்கே சரிகாவை திருமணம் செய்து கொண்டேன் என்றார்.(நல்ல காரணமையா முடிஞ்சா எங்களுக்கும் கொஞ்சம் சொல்லி குடுங்க குருவே)

சரிகா

திருமணத்தில் நம்பிக்கையில்லாதவர் தன் மகளை என்ன செய்ய போகிறாரோ தெரியவில்லை.......பொறுத்திருந்து தான் பார்க்க வேண்டும்.

ப்ருனியின் அரசர் சுல்தானின் சுகபோக வாழ்கை.......

2009-10-03T10:24:00.000-07:00

உலகப்பணக்காரகள் வரிசையில் முதலில் உள்ளவர்கள் எந்தளவு தங்கள் வாழ்க்கையில அவைகளை அனுபவிப்பார்களோ தெரியவில்லை ஆனால் இன்றைய பதிவில் பார்கபோகும் இந்த நபர் அனுபவிக்கிராரா இல்லையா என்பதை நீங்களே பாருங்கள்.

ப்ரூனியின் அரசர் சுல்தான் பணக்காரர் என்ற பெயரை நீண்ட காலமாக தன்னகத்தே கொண்டுள்ளார்.அவ்வாறு எந்தளவு இவர் பணம் பெருகிவருகிறது என்பதை பார்க்கலாம்.
இவரின் வருமானம் ஒரு செக்கனுக்கு 90 Euroகலால் அதிகரித்துக்கொண்டு இருக்கிறதாம்.( அப்படி என்னப்பா செய்றிங்க எங்களுக்கும் கொஞ்சம் சொல்லலாமே) இதன் படி ஒரு நிமிடத்தில் இவரின் வருமானம் 5400 Euroகலால் அதிகரிக்கிறது இதுவே ஒரு மணித்தியாலத்தில் 324000 Euroகலால் அதிகரித்து ஒரு நாளைய வருமானத்தினை 7776000 euro வை தொடவைக்கிறது.( அட பாவாமே ஒரு நாளைக்காயா இவளவு? எனக்கு ஒரு நிமிடத்துல வாராத மட்டும் குடுத்துடங்கப்பா) நீங்கல்லாம் கணக்குல புலி தானே ( புலி என்டைக்கையா கணக்கு பாத்திச்சு?) ஆகையால இனி வாரத்திற்கு மாதத்திற்கு வருசத்திற்குனு பாத்து எவ்வளவு முடியுமோ அவ்வளவு பொறாம பட்டுகொங்க என்ன?(இத தானே நாம காலம் காலமா செய்றம்)

சுல்தான் அரசர்

இவ்வளவு செல்வம் இருப்பவர் என்ன நம் போல் சும்மாவா செலவழிப்பார் எவ்வளவு முடியுமோ அவ்வளவு செலவழிப்பார்.இதை உண்மையாக்கும் விதமாக இவர் சாப்பிடும் உணவுக்கரன்டியை கூட தங்கத்திலானதாக உபயோகிக்கிறாராம்.கரண்டியே தங்கம் என்றால் இவரின் உடைகள் என்ன சாதாரணமாகவா இருக்கும் கண்டிப்பாக இல்லை இவரின் உடைகள் எல்லாம் எவ்வளவு முடியுமோ அவ்வளவு தங்கத்தினால் அலங்காரம் செய்யப்பட்டிருக்குமாம்.

இதுவே இப்படியென்றால் இவரின் அரண்மனையோ 1788 அறைகளை கொண்டு அமைந்துள்ளாதாம்.இங்கே இருக்கும் 257 குளியலறையில் வேலைப்பாடுகள் தங்கம் மற்றும் வெள்ளி கொண்டு செய்யப்பட்டுள்ளதாம்.அது மாத்திரமன்றி இவரிடம் இருக்கும் வாகனங்களை நிறுத்தி வைப்பதற்கு 110 வாகன தரிப்பிடங்கள் உள்ளனவாம்.

சுல்தானின் அரண்மனை

இவரிடம் சொந்தமாக விமானமே இருக்கிறது இந்த விமானம் கூட எவ்வளவு முடியுமோ அவ்வளவிற்கு அலங்கரிக்கப்பட்டுள்ளது.இந்த விமானத்தின் விலையோ 100 மில்லியன் டாலர் அதை விட இவர் இதற்க்கு செய்த அலங்காரங்கள் எல்லாம் சேர்த்து இதன் விலை 220 மில்லியன் டாலர்.இது மாத்திரமன்றி இவரிடம் சிறிய ரக 6 விமானங்களும் 2 உலங்கு வானூர்திகளும் (ஹெலிகாப்டர்) உள்ளது.

சுல்தானின் விமானமும் அதன் உள்ள புற தோற்றமும்

இவரின் விசேட வேண்டுகோளுக்கிணங்க ரோல்ஸ் றோய்ஸ் நிறுவனம் போர்ச் நிறுவனத்துடன் சேர்ந்து இவருக்காகவே பிரத்தியேகமான ஒரு காரை வடிவமைத்து கொடுத்திருக்கிறது.

இவரின் மகளின் திருமண கொண்டாட்டங்கள் தொடர்ச்சியாக 14 நாட்கள் நடைபெற்றன.இதற்காக 5 மில்லியன் டாலர் செலவு செய்யப்பட்டது.இன் நிகழ்வில் 25 நாட்டு தலைவர்கள் அவர்களின் குடும்ப அங்கத்தவர்களோடு பங்கு பற்றியமை குறிப்பிடத்தக்கது.

இதன் போது இளவரசி அணிந்திருந்த கிரீடம் முற்று முழுதாக வைரங்களால் செய்யப்பட்டிருந்தது.அது மாத்திரமன்றி அவர் வைத்திருந்த பூங்கொத்து,அவரின் காதணிகள் எல்லாம் வைரத்திலையே இருந்தன.

உங்கள் பிரச்சனைகள் தீர சிகரட் பிடியுங்கள்...!

2009-10-02T11:16:00.000-07:00

புகைக்கும் பழக்கம் உள்ளவர்களுக்கு இன்றைய என் பதிவு என்னவோ கசப்பாக தான் இருக்கும். ஆனால் நிச்சயமாக புகைப்பதை பற்றியோ இல்லை அதன் பின் விளைவுகள் பற்றியோ நாம் இங்கு ஆராய போவதில்லை மாறாக புகைத்தலுக்கு எதிராக உலகளவில் மேற்கொள்ளப்பட விளம்பரங்களையே பார்க்கபோகிறோம்.

புகைப்பவர்களுக்கென்னவோ அந்த பழக்கத்தை விடுவதென்பது முடியாத ஒரு விடயமாகவே இருந்துவருகிறது இருந்தாலும் சிலர் இதில் வெற்றியும் கண்டிருக்கிறார்கள்.இன்றைய பதிவில் வரும் விளம்பர படங்கள் ஒருவேளை உங்களை சிந்திக்க வைத்தால் நல்லதே............

இவை எல்லாமே ஒரே செய்தியை தான் சொல்கிறது நீங்களே பணம் கொடுத்து உங்களுக்கு ஆப்பை தேடி வைத்துகொல்கிறீர்கள் என்று

இறுதியாக உங்கள் பிரச்சனைகள் தீர சிகரட் பிடியுங்கள் பிரச்சனை தீருமோ என்னவோ நீங்கள் தீர்ந்து விடுவீர்கள்.

வாங்கையா அனகோண்டா பிடிக்கலாம்............!

2009-10-02T06:43:00.000-07:00

நம்மில் பலர் என்னவோ நாம் செய்யும் தொழில் தான் உலகிலேயே கஷ்டமானது என்றெல்லாம் எண்ணுவதுண்டு.ஆனால் நம்மை விடவும் பலர் கஷ்டமான தொழில் செய்கிறார்கள் என்று நாம் சிந்திக்க தவறி விடுகிறோம்.வேட்டையாடுவது என்பது கஷ்டமானதோ இல்லை இலகுவானதோ தெரியவில்லை.ஆனால் இங்கே நீங்கள் பார்க்க போவது என்னவோ நிச்சயம் நம்மால் முடியவே முடியாது.

இவர்கள் தென்னாபிரிக்காவில் வாழும் வறுமையான மனிதர்கள் தங்கள் உணவிற்கோ அல்லது பணம் சம்பாதித்து தங்கள் அன்றாட தேவைகளை நிறைவேற்றி கொள்வதற்கோ இவர்கள் தேர்ந்தெடுப்பது என்பதென்னவோ வேட்டையாடுவதை தான்.ஆனால் எதை வேட்டையாடுகிறார்கள் என்றெல்லாம் கேற்க கூடாது நீங்களே பாருங்கள்.

யப்பா கொஞ்சம் பார்த்து கட்டுப்பா

என்னப்பா உள்ள நம்ம நண்பர் இருக்காரா?

இருப்பா பாக்கிறன் இந்த டார்ச் வச்சு பாக்கனுமே

ஹலோ நண்பர் எப்படி இருக்கீங்க?

வாங்கையா வெளில நாம போய்டலாம்

அட வா............

வார மாறி தெரில நீ இழுப்பா..!

அதான் கொண்டு வந்துட்டம்ல

எவன் சொன்னான் பாம்ப கண்டா படையே நடுங்கும்னு எங்க படை எப்படி ...?

இப்ப சொல்லுங்கப்பா நீங்க செய்ற தொழிலா கஷ்டம்?

இலச்சனை சொல்லும் செய்திகள்

2009-09-30T04:29:00.000-07:00

வலைப்பதிவர்களுக்கு சில நேரம் சுவாரஸ்யமான சில தலைப்புக்கள் நிகழ்வுகளை பதிவதற்கு சந்தர்பம் கிடைத்துவிடும் அந்த வகையில் நிச்சயமாக இது ஒரு சுவாரஸ்யமான மற்றும் தெரிந்திருக்காத ஒரு விடயமாகவும் இருக்கலாம்.

இன்றைய எனது பதிவின் பக்கத்தை அலங்கரிக்க வருபவை இலட்சனை சம்பந்தமான விடயம்.ஒரு பொருலோ அல்லது சேவையோ அதன் தரத்தில் மட்டும் தங்கி நிற்பதில்லை,மாறாக அதனுடன் நேரடியாக தொடர்பு படாத சில விடயங்களிலும் தங்கியுள்ளது.இவ்வாறன ஒரு விடயம் தான் அந்த பொருளிற்கான அல்லது சேவைக்கான இலட்சனை. ஒரு இலட்சனை ஒன்றை வடிவமைக்கும் போது அந்நிறுவனம் கண்டிப்பாக தங்கள் பொருட்கள் சேவையின் தன்மையினை வெளிப்படுத்தும் விதமாக பெரும்பாலும் வடிவமைத்து இருப்பார்கள்.

இதே போன்று நாம் ஏற்கனவே அறிந்திருந்த சில இலட்சனைகளும்
அதில் அறிந்திராத விடயங்களையும் சற்று பார்க்கலாம்.

Body Wisdom

பெரும்பாலனவர்களுக்கு இப்படியொரு இலட்சனை இருப்பதே இன்று தான் தெரிந்திருக்கும்.இந்த இலட்சனயினை வடிவமைக்கும் போது வடிவமைப்பாளர் வழங்கப்படவிருக்கும் சேவையினை தத்ரூபமாக இதில் வெளிக்கொண்டுவந்திருப்பார்.Spa சேவையினை வழங்குவதற்காக வடிவமைக்கப்படிருக்கும் இவ் இலச்சனையில் இருகைகள் அமைதியான முறையில் Massage (உடல்களை பிடித்து விடுதல்) சேவையினை வழங்கும் விதத்திலும், உற்று நோக்கும் போது ஆந்தை ஒன்றின் கண் உருவிலும் காணப்படும் இது விவேகக்தையும் குறிக்கும் விதமாய் இருக்கிறது.

Big Ten

மீண்டுமொரு அறிந்திராத இலட்சனையாய் இருக்கும் இது தம்மிடம் ௧௧கல்லோரிஅக்ல் இருக்கிற போதும் இலட்சனையை மாற்ற விரும்பாத காரணத்தினால் மறைமுகமாக 11 என்ற இலக்கத்தினை தன் இலட்சனையிலையே கொண்டுள்ளது.

மேலோட்டமாய் பார்க்கும் போது அவ்வளவு இலகுவாக விளங்கி கொள்ளா விட்டாலும் உற்று நோக்கும் போது தம் வியாபர பெயரையே மிக மதிநுட்பமாக வடிவமைத்திருக்கிறார்கள்.ED என்பதன் அர்த்தமோ “Elettro Domestici -Home Appliances” என்பதேயாகும்.காலம் காலமாய் இருந்துவந்த இலட்சனை அமைக்கும் முறைமையையே இது மாற்றி அமைத்துவிட்டதாக கூட கருதலாம்.இரண்டு எழுத்துக்களிலும் எதிர்மாறான நிறங்களை பிரயோகித்தது மாத்திரமன்றி பார்ப்பதற்கு இலத்திரனியல் உபகரணங்களின் Plug போன்ற வடிவில் இதை வடிவமைத்திருப்பது அனைவரையும் கவர்ந்த ஒரு விடயமாக காணப்படுகிறது.

Elle Hive

உழவு இயந்திரத்தை (Tractor) உற்பத்தி செய்யும் இவ் நிறுவனத்தாரின் இலட்சனையோ அவர்களின் உழவு இயந்திர வடிவமைப்பை போன்ற தோற்றத்தையே பிரதி பலிக்கும் விதமாக
E மற்றும் H ஆகிய ஆங்கில எழுத்துக்கள் உருவாக்கப்பட்டுள்ளது.

Marriage

என்ன ஒரு சிறப்பான கற்பனையின் வெளிப்பாடு இந்த இலட்சனை.இரு மனங்களும் ஒரு மனம் போல் ஒழிவு மறைவின்றி ஒன்றோடு ஒன்றாய் இருக்கவேண்டும் என்பதை எதார்த்த பூர்வமாக கண்ணாடியில் தோன்றுவதை போல் உருவாக்கி இருக்கிறார் இதை வடிவமைத்தவர்.அதே போல் R என்ற பதம் நடுவினில் (நாங்கள்) வரும் விதமாய் அருமையான முறையில் வடிவமைக்கப்பட்ட ஒரு இலட்சனை.

!N3K8

இந்த சிக்கல் மிகுந்த இலட்சனையின் வடிவே ஒரு தனி அழகு.ஐரோப்பாவை தளமாக கொண்டியங்கும் IT சம்பந்தமான பிரச்சனைகளுக்கு தீர்வுகளை வழங்கும் இன் நிறுவனம் தனது இலட்சனையினை எண்கள் மற்றும் எழுத்துகளை கொண்டு வடிவமைத்துதன் நுண்ணிய வேலைப்பாட்டை எடுத்தியம்ப எத்தனிக்கிறது.

Review

இந்த இலச்சனையில் V என்ற ஒரு தனி எழுத்தே இவைகள் முற்றுமுழுதாய் பரிசோதிக்கபட்டுவிட்டன என்ற படத்தினையே காண்பிக்கிறது.

Pakuay

பொதியிடல் சம்பந்தமான சேவையினை வழங்கும் இக் கம்பனி P என்ற எழுத்தில் ஒரு பெட்டி உடைந்து விழுவதை போன்ற ஒரு உருவத்தை தனது இலச்சனையில் காட்டியுள்ளது.

Zip

இதில் I என்ற எழுத்தோ zip போன்ற ஒரு வடிவமைப்பால் Z மற்றும் ப ஆகிட எழுத்துகளுக்கிடையே பொறிக்கப்பட்டுள்ளது.

Mo Sleep

தூக்கமின்மை சம்பந்தமான பிரச்சனைகளுக்கு தீர்வுகளை வழங்கும் ஒரு வைத்தியரின் இலச்சனையில் ஒரு கட்டிலும் அதனுடன் M என்ற எழுத்தும் வரும் விதமாக இதை வடிவமைத்துள்ளார்.

இதை உண்மையிலேயே ஒரு சிறந்த உருவாக்கும் திறன் என்றே கருதலாம்.ஒரு சாதரணமான படச்சுருள் பார்ப்பதற்கு இருசூழ்ந்த ஒரு சுற்றுப்புற தோற்றத்தை தரும் வகையில் வடிவமைக்கப்பட்டுள்ளதே இதன் சிறப்பம்சமாகும்.

உலகில் அதிகம் சம்பளம் பெரும் முதல் 15 விளையாட்டு வீரர்கள்

2009-09-28T07:37:00.000-07:00

எந்த விளையாட்டாக இருந்தாலும் அதன் பிரபல்யம் வரவேற்பை பொறுத்து அதற்க்கான கொடுப்பனவுகளும் காணப்படும் அந்த வகையில் முதல் 15 இடங்களை தங்கள் உழைப்பின் மூலம் பிடித்திருக்கும் வீரர்களை நாம் இன்றைய பதிவில் பார்க்கப்போகிறோம்.

01.Tiger Woods
$110 million

இவரை அறியாதவர் அரிதாய் தான் இருப்பார்கள் அந்தளவுக்கு golf விளையாட்டில் தனெக்கென ஒரு இடம் பிடித்தவர்.இவர் இதுவரை போட்டி வெற்றிப்பணம் மற்றும் விளம்பரங்களில் தோன்றியதற்காக $ 900 மில்லியன்கலை சம்பாதித்திருக்கிறார்.இவருடை 13 வருட golf விளையாட்டு பிரவேசத்தில் ஒரு விளையாட்டு வீரனால் $ 1 பில்லியனை சம்பாத்திதவர் என்ற பெருமையை அடுத்த வருடம் எட்டிவிடுவார் என்று எதிர்பார்க்கப்படுகிறது.
02.Kobe Bryant
$45 million

கூடைப்பந்தில் பிரபல்யமான இவர் தொடர்ச்சியாக நான்காவது தடைவயாகவும் NBA லாஸ் ஏஞ்சல்ஸ் லகேர்சில் இடம்பெற்ற போட்டியில் பட்டம் வென்றார். உலகின் பல பாகங்களிலும் இவரது ஜெர்சி (jersey) இலக்கமான 24 பொறித்த ஜெர்சியே விற்பனையாகி வருகிறது.குறிப்பாக அமெரிக்கா,சீனா,ஐரோப்பா ஆகிய இடங்களில். $ 21 மில்லியனை தனது வருமானமாக கொண்டுள்ள இவர் பிரபல்ய Nike, Upper Deck, Activision and VitaminWater.போன்ற நிறுவங்களின் உற்பத்திகளுக்கு விளம்பர பிரதிநிதியாக உள்ளார். 03.Michael Jordan
$45 million

MJ என்று செல்லமாக அழைக்கப்படும் இவர் கூடைப்பந்து அறியாதவர்களுக்கும் பரீச்சாத்தியாமானவர். சுமார் 6 வருடங்களுக்கு முன்னரே தனது கூடைப்பந்து விளையாட்டுக்கு முற்றுபுள்ளிவைத்தாலும் இன்னும் அமெரிக்காவில் பிரபல்யமான நபராய் இருந்து கொண்டு தான் வருகிறார். இவரும் Nike இன் விளம்பர பிரதிநிதியாக செயற்பட்ட வேலை அதன் விற்பனையினை $ 1 பில்லியன் ஆக உயர்வடைய காரணமாய் இருந்தவர் என்று நம்பப்படுபவர். சார்லோட்டே போப்காட் அணியை வாங்கக்கூடிய சிலரில் ஒருவராய் இவரும் இருந்த போதிலும் இவர் இதில் ஒரு சிறியளவு பங்கினையே தன் வசம் வைத்திருக்கிறார். இருந்த போதும் இவ்வவணியின் நடவடிக்கைகளுக்கான தலைவராக இவரே செயற்படுகிறார்.

04.Kimi Raikkonen
$45 million

பார்முலா வன்னில் அதிகம் சம்பளம் பெரும் நபர். 2007 ம் ஆண்டு பட்டம் வென்ற இவர் கடந்த வருட போட்டியில் 3ம் இடத்தையே பிடிக்க முடிந்தது.இந்த வருடம் அதை விடவும் மோசமாக 10ம் இடட்டக்யே இவரால் கைப்பற்ற முடிந்தது. இதை தொடர்ந்து Ferrai இவரை தனது 1 வருட ஒப்பந்தத்தில் இருந்து விழக்கிகொண்டது.

05.David Beckham
$42 million

பெக்காம் உலகின் சிறந்த வீரர் என்ற பெருமையை இழந்தாலும்,புகழிலும் பிரபல்யத்திலும் உச்சியில் இருப்பதை அவரை இன்னமும் Adidas, Giorgio Armani , Motorola போன்ற நிறுவனகள் விளம்பரத்திற்கு பாவிப்பதை வைத்து அறிந்து கொள்ளலாம். இதற்காக இவர்கள் இவருக்கு மில்லியன் கணக்கில் வாரி வழங்குகிறார்கள். சிறிது காலம் AC Milan அணிக்காகவும் இவர் விளையாடியுள்ளார்.

06.LeBron James
$40 million

NBA மற்றும் MVP போட்டிகளின் சிறந்த போட்டியாளராக இவ்வாண்டு இவர் திகழ்கிறார்.இருந்தாலும் இவரது அணி சிறப்பான ஒரு முன்னேற்றத்தை அடையவில்லை.இருந்த போதும் இவருக்கான மிகப்பாரிய ஒப்பந்தத் சம்பளத்தொகை நிர்ணயிக்கப்பட்டுள்ளது.இருந்த போதும் இவர் இதை விட சிறந்த ஒரு ஒப்பந்தத்த தொகையினை எதிர்பார்ப்பதாக தெரிகிறது

07.Phil Mickelson
$40 million

உலகின் 2ம் நிலை கொல்ப் வீரர் இவர்.இவர் 5 வருட விளம்பர ஒப்பந்தமொன்ரை Callaway நிறுவனத்துடன் கைச்சாத்திட்டுள்ளார்.இதனுடன் Barclay´s, Exxon, KPMG , Rolex ம் இவரை தமது வியாபர பொருளின் விளம்பர பிரதிநிதியாக நியமித்துள்ளனர். இவர் பணப்பரிசாக இதுவரை $ 54 மில்லியன்களை உழைத்துள்ளாராம்.டைகர் வூட்,விஜய் சிங்க்கிற்கு அடுத்ட படியாக இவர் தான் உள்ளாராம்.
08.Manny Pacquiao
$40 million

கடந்த வருட boxing உலகில் அனைவராலும் திரும்பி பார்க்கப்பட்ட ஒரு நபர்.இதற்கு காரணம் இரண்டு Boxing ஜாம்பவான்களான Oscar De La Hoya நை டிசம்பர் மாத சுற்றிலும் Ricky Hatton என்பவரை மார்ச் மாத சுற்றிலும் தோற்கடித்து பார்வையாளர் வருமானமாக $ 100 மில்லியன்களை அமெரிக்காவில் பெற்றவர்.Time magazine´s 100 செல்வாக்கு வாய்ந்தவர்கள் பட்டியலில் இவரும் இடம் பிடித்தாராம்.

09.Valentino Rossi
$35 million

எம்மில் பலர் இவரை நன்கறிந்திருப்பர் இரண்டு வருட தொடர் சரிவின் பின்னர் தொடர்ச்சியாக 8 தடைவைகள் உலக சாம்பியன் பட்டம் வென்றவர்.yamaha நிறுவனத்திற்காக மோட்டார் சைக்கிள் பந்தயத்தில் பங்குகொள்ளும் இவர் $ 16 மில்லியன்களை வருட வருமானமாக பெறுகிறார்.இதைவிட இரட்டை மடங்காக போனுசும் விளம்பரங்களிலும் உழைகிறாராம்.

10.Dale Earnhardt Jr.
$34 million

நச்காரின் அதிக பிரபல்யமான வாகன ஓட்டுனராக திகழும் இவர் கடந்த இரண்டு பருவங்களிலும் ஒரே ஒரு போட்டியில் தான் வெற்றி பெற்றுள்ளாராம்.இவரின் பொருற்கள் விற்பனையில் ஒரு சாரதியின் பங்கில் இரு மடங்கு இவருக்குரியதாம்.இவரின் மிகப்பெரிய விளம்பர நிறுவனங்களாக Adidas, Chevrolet, Polaris, Wrangler Nationwide Insurance ஆகியன இருக்கின்றனவாம் இவையெல்லாம் இந்த வருடம் இவருடன் ஒப்பந்தம் கைச்சாத்திட்டவை.

11.Roger Federer
$33 million

இவரை அறியாமல் எவரும் இருப்பார்களோ தெரியவில்லை.டென்னிஸ் உலகின் முதல் நிலை வீரரான இவர் இதுவரை 14 கிராண்ட்ஸ்லாம் பட்டங்களை தன்வசப்படுத்தியுள்ளார்.இதுவரை இவர் பணப்பரிசாக $ 48 சம்பாத்திதுள்ளார்.

12.Shaquille O´Neal
$33 million

மீண்டுமொரு கூடைப்பந்து நச்சத்திரமான Shaquille O´Neal இந்த வருட அனைத்து நச்சத்திர வீரர்களுடனான போட்டியில் கலந்து கொண்டு MVP விருதினை தன் முன்னாள் அணி வீரர் Kobe Bryan உடன் பகிர்ந்து கொண்டார்.விளையாட்டிற்கு அப்பால் இவர் தனது Shaq , Dunkman சின்ன காலணிகளை விற்பனை செய்துவருகிறார்.1996 ம் ஆண்டு ஆரம்பித்த இந்த செயலில் இன்றுவரை இவரால் 75 மில்லியன் காலணிகளை விற்பனை செய்ய முடிந்த்துள்ளதாம்.இதை போல் இவரை Twitter ல் 1 . 2 மில்லியன் பேர் பின்தொடர்கிறார்கள் என்பதும் ஒரு சுவாரஸ்யமான செய்தி.

13.Oscar De La Hoya
$32 million

Manny Pacquiao உடனான போக்ஸ்சிங் போட்டியில் வெற்றி பெற்றதன் மூலம் இவர் $ 30 மில்லியனை பெற்றுகொண்டராம்.அத்தோடு இவர் பார்வையாளர் வருமானமாக 14 .1 மில்லியன்களை பெற்றதோடு தனது ஓய்வையும் அறிவித்திருக்கிறார். இவரது PPV வருமானம் $ 696 மில்லியன்.

14.Lewis Hamilton
$32 million

டைகர் வூட்டுடன் அடிக்கடி ஒப்பிட்டு பேசுமளவு திறமை வாய்ந்த கறுப்பின வீரர் இவர்.தனது 23 வது வயதிலேயே பார்முலா ஒன் சாம்பியன் பட்டத்தை வென்றதன் மூலம் அனைவராலும் கவரப்பட்டார்.இவர் இந்த போட்டியில் ஒரே ஒரு புள்ளி வித்தியாசத்திலேயே வெற்றிவாகை சூடியதும் நினைவுகூரக்கூடியது. reebok உடன் கைகோர்த்துள்ள இவரை reebok தனது விற்பனை சின்ன பிறதி நிதியாக நியமித்துள்ளது.இதற்காக இவருடன் பல மில்லியன் ஒப்பந்தம் கைச்சாத்திடப்பட்டுள்ளது.

15.Alex Rodriguez
$32 million

இவரின் தற்போதைய வருமானம் என்னவோ விளையாட்டின் மூலம் பெறப்படாவிட்டாலும் இந்த வருமானத்திற்கு தனது 10 வருட விலயாடே காரணம் என்று தான் கூறுகிறார்.Yankees உடன் $ 275 மில்லியன் ஒப்பந்தம் 2007 ஆம் ஆண்டு பருவ கள்ளத்தில் கைச்சாத்திடப்பட்டுள்ளது.கடந்த வருடம் இவரிற்கு வழங்கப்பட்ட $ 27 ஆனது இந்த வருட பருவ காலத்திற்கு $ 32 ஆக பெறுமதி மதிப்பிடப்பட்டுள்ளது.அத்துடன் ஜனவரி மாதம் $ 1 மில்லியனை போனஸ் வருமானமாக பெற்றுள்ளார் $ 10 மில்லியன் ஒப்பந்தம் ஒன்றை கைச்சாத்திடுவதற்காக.

என் பார்வையில் காதல், அழகு, பணம், கடவுள்

2009-09-28T00:21:00.000-07:00

எந்த ஒரு அழைப்பும் இதுவரை எனக்கு வரவில்லை பதிபவன் பதுங்கிஇருப்பதில் பயன் இல்லை.
என் பதிவுப்பயணம் ஆரம்பித்து சில காலம் தான் முன்னரை விட இப்பொழுது கொஞ்சம் ஆர்வம் அதிகறித்திருக்கிறது ஆனால் வாசிப்பு பழக்கமும் எழுத்து பழக்கமும் புழக்கத்தில் ( நீயெல்லாம் ஒரு தமிழன் தூ என்றெல்லாம் சொல்ல கூடாது அப்புறம் அலுதுடவன்) இல்லாமல் போனதால் எழுத்துகளில் சில நேரம் பிழைகள் சந்தேகங்கள் ( இதுல எந்த ர னா வரும் எந்த ழ னா வரும்னு) பிழைபொறுக்கவும் முடிந்தால் சுட்டி காட்டுங்கள் அடுத்த பதிவில் திருத்தி கொள்கிறேன்)

ஒவ்வொருவர் பார்வையில் ஒவ்வொருவிதம் காதல் காதலுக்காய் காத்திருக்கும் ஆண்களில் அதை பாத்திருக்கும் ஆண்களே அதிகம்.காதலுக்கு பெருமையெல்லாம் முதல் காதலே தோல்விதானாம்.என்னவோ இருக்கிறது இந்த காதலில் இல்லையேல் எப்படி சாத்தியம் நேற்று பைத்தியகாரனாய் திறிந்தவன் இன்று பார்பதற்கே அழகாய்...! நேற்று பார்பதற்கே அழகாய் திறிந்தவன் இன்று பைத்தியகாரனாய்.இரண்டுமே இந்த காதலால்.

காதல் வேறு காமம் வேறு கடைசியில் என்னவோ .........தான் ஜெயிக்கிறது.

காதலுக்காகவும் சாகாதே காதலிக்காமலும் சாகாதே இது காதலின் காந்த தன்மையை தான் சொல்கிறதோ......???

அழகு காதலோடு சம்பந்தப்பட்ட ஒரு சொல். எனக்கு அழகாய் தெரிந்தவள் என் அம்மாவிற்கு அப்படி தெரியவில்லையாம்.நிரந்தரமற்ற ஒரு நடைமுறைச்சொத்து (இங்கயுமா?) ஆண்களை கவர்வதில் அழகிற்கு தான் முதலிடம்.பெண்களுக்கு பிடித்ததில் அழகிற்கு தான் முதலிடம்.அழகானவர்கலெல்லாம் காதலிக்கிறார்கள் அவரவர் கண்களுக்கு அழகாய் தெரிவதை.உன் அழகை பார்த்து உன்னை காதலித்தேன் உன் தங்கையை காணாதவரை..........!!!
ரசிக்கும் வரை ஆபத்தில்லை................

பணம் பரபறப்பாய் பறக்கிறோம் பாழாய்ப்போன பணத்திற்காக.பணமென்று சொன்ன போது பிணம்கூட வாய் பிழக்கும்.பணம் இன்றி நீ இருந்தால் யாரறிவார் உன் நிழலை? பணம் கொண்டு நீ வாழ்ந்தாள் நீ மறப்பாய் உன் உறவை.பந்த பாசம் தேவையில்லை பணம் படைத்த பாவி உனக்கு பந்தம் ஒன்றே போதுமென்பான் நாய் பிழைப்பு பிழைக்குமவன்.பார்ப்பவர் கண்ணில் அவன் பணக்காரன் அவன் தான்அறிவான் தன் நிலை பாரன்.ஜாதி மதம் பார்ப்பவனும் அதையெல்லாம் புறம்தள்ளி நேற்று நீ எங்கிருந்தாய் என்ற கேள்வி கேட்பதேஇல்லை

கடவுள் இன்றுவரை நீ கண்டதில்லை இருந்தாலும் உனக்குள் ஒரு நம்பிக்கை.பல பேர்க்கும் பல கடவுள், பக்தி என்று வந்துவிட்டால் எல்லோர்க்கும் ஒரு கடவுள்.தோல்வி என்று வந்துவிட்டாள் கடவுளாவது மண்ணாங்கட்டியாவது,தேவை என்று வந்து விட்டால் கடவுளே நீ தான் என்பது.என்று கேட்டார் இதை தா என்று நீயோ சொல்வாய் அதை தா நான் இதை தருகிறேன் என்று.பேரம் பேசும் ஈனப்பிளைப்பும் கடவுளிடம் காட்டிவிடுகிறாய் மானிடா........
உனக்காக அவனா அவனுக்காக நீயா ????

ஏற்கனவே சொன்னது போல் அழைப்புகள் வரவில்லை அந்தளவுக்கு நான் பதிவிற்கு பழையவன் இல்லை.நன்றிகள் திரு.லோஷன் அண்ணா உங்கள் சங்கிலியோடு இதுவும் செல்லட்டுமே.........

யாரையும் அழைக்கவில்லை அந்தளவிற்கு எவரையும் எனக்கு பழக்கமில்லை.இந்த பதிவு ஆரம்பிக்கட்டுமே புதிய பல பதிவர்களை............

பெண்மையை விற்ற பெண்..........!

2009-09-27T07:26:00.000-07:00

பத்திரிகையில் படித்ததில் பதறிபோய் பார்த்த ஒரு சம்பவம்......!!!

கல்விக்காய் என்ன என்னோவெல்லாம் சிலர் இழந்திருப்பார்கள் ( காதலுக்காய் கல்வியை இழந்தவர்களும் இருக்கிறார்கள் ) ஆனால் ஒரு விசித்திரமான நபர் கல்விக்காய் தன் கன்னித்தன்மையை ஏலம் விட்ட சம்பவம் ஒன்று அமெரிக்காவில் அரங்கேறியுள்ளது. மேற்கத்தேயவர்கள் என்ன சரி புதுமையாக செய்து கொண்டு தான் இருப்பார்கள் (இதுவாயா உங்க புதுமை என்றா முனு முனுக்கிறீர்கள்) அதற்காக இதுவுமா? 22 வயதை உடைய Natalie Dylan என்ற கலிபோனிய மாநிலத்தில் சான் தியாகாவில் வசிக்கும் மேற்படி பெண் தன் சகோதரி செய்ததை போன்று ( நல்ல குடும்பம்யா நல்ல விழங்கும்) தானும் தன் கன்னித்தன்மையை ஏலம் விட்டு அதன் மூலம் வரும் பணத்தை கொண்டு தன் மேற்படிப்பை தொடரவுள்ளாராம்.பெண்கள் தொடர்பான கற்கை நெறியில் பட்டம் பெற்ற இவர் ( என்ன கற்கை நெறியோ நல்லா படிக்குறாங்க போங்க ) மேற் கொண்டு குடும்ப மற்றும் திருமண சம்பந்தம்மான கற்கை நெறியின் உயர் பட்டத்தை பெறுவதற்காகவே இந்த முடிவை எடுத்தாராம்.

Natalie Dylan

இவரின் இந்த முடிவிற்கு எதிர்பார்த்ததை விட நல்ல வரவேற்ப்பு கிடைத்ததாம்.இவரின் இந்த ஏலத்தில் சுமார் 10000 செல்வந்தர்கள் போட்டியிட்டு இவருடன் ஒரு இரவினை உல்லாசமாக களிக்க போட்டிபோட்டுள்ளனர்.இவரில் ஒரு அதிஷ்டசாலி இவரின் கன்னித்தன்மைக்கு நிர்ணயித்த விலையோ அமெ.டாலர் 243,௦௦௦. ( இலங்கை பெறுமதி 27,459,000 எம்மாடியோ )

இவரின் சகோதரி தன் கற்கை நெறிக்காக தன்னை 3 வாரங்கள் விற்று தான் தன் பணத்தை செலுத்தினாரம். ஆனால் இவரோ ரொம்ப தெளிவு நீங்க எவளவு குடுத்தாலும் சரி அவருடன் ஒரு இரவு மாத்திரம் தான் இவர் செலவிடுவாரம் ( ஒரு இரவுக்கு போயா இவ்வளவு என்று கேக்காதிங்க)

இது சம்பந்தமாக கருத்து தெரிவித்த மேற்படி நபர் தான் இது சம்பந்தமாக கவலையடையவில்லை என்றும் தேவைப்படும் மருத்துவ சான்றிதழை பெற்றுகொடுக்க தயார் என்றும் கூறியிருக்கிறார்.

இச்செயலை தொடர்ந்து தற்பொழுது அங்குள்ள பெரும்பாலான மாணவிகள் இதையே தாங்களும் செய்ய எத்தனித்துள்ளனராம். நல்ல முன்மாதிறாய் இருந்த அம்மா Natalie Dylan அவர்களே உங்களுக்கு ஒரு கோயிலே கட்டலாம் போல.......

இப்ப புறிஞ்சிருக்குமே ஏன் நாம இப்படியே இருக்கம்னு. நீங்களும் ஏலம் கேக்கலாம் வேணும்னா சொல்லுங்கப்பா.........

கண்ணியவாங்களின் விளையாட்டா கிரிக்கெட்...???

2009-09-26T10:02:00.000-07:00

Icc Champions trophy நேற்றைய தின இலங்கை மற்றும் இங்கிலாந்து அணிகளுக்கிடையிலான போட்டியில் பதிவிடக்கூடிய வகையில் ஒரு சம்பவம் அறங்கேறியது. இதில் யார் வென்றார் யார் தோற்றார் என்பதை கண்டிப்பாக பார்க்கப்போவதில்லை.( அதான்யா நம்ம பசங்க மண் கவ்விடாங்கள்ள அத வேற எழுதி வேற தொலைக்கணுமா) போட்டியில் வெற்றி தோல்வி தவிர்க்க முடியாத ஒன்று. அன்றைய தினம் சிறப்பாக செயல்படும் அணி வெற்றியை காணலாம். இது யான் மட்டுமில்லை யாவரும் அறிந்த உண்மை.

ஆனால் அதை விட ஒரு சிறப்பான விடயம் எவ்வாறு மைதானத்தில் நடக்க வேண்டும் சக போட்டியாளரை எவ்வாறு மதித்தல் என்பது எந்த விளையாட்டாக இருந்தாலும் ஒவ்வொரு வீரரும் அறிந்திருக்க வேண்டிய ஒன்றே. இந்தவகையில் இலங்கை கிரிக்கெட் அணி இவ்வாறன செயற்பாடுகளில் எப்பொழுதும் முன்னணியிலேயே இருந்திருக்கின்றது என்பது கடந்த கால பதிவுகளும் பாராட்டுகளும் பறை சாற்றுகின்றன. இருந்தாலும் இந்நிலை பறி போய் விடுமோ என்ற ஒரு எண்ணம் மனதில் உதிக்க ஆரம்பித்திருக்கிறது, காரணம் இலங்கை அணித்தலைவர் குமார் சங்ககார மைதானத்தில் நடந்து கொள்ளும் விதம். அணித்தலைவராய் பொறுப்பேற்க முன்னர் வளர்ந்த மற்றும் வளர்ந்து வரும் வீரர்களுக்கு முன்னோடியாய் திகழ்ந்தவர் இன்றோ அதற்கு எதிர்மாறான செயற்பாடுகளை செய்வது ஏற்றுகொள்ளகூடியதாய் இல்லை. இதை இவருக்கு எவர் எடுத்து சொல்வார்களோ தெரியவில்லை.( கண்டிப்பாக நான் இல்லை காரணம் நான் அந்தளவு நல்லவன் இல்லை, அதனால் இந்த பணி நல்லவர்களுக்கு வழங்கப்படுகிறது)

இவர் தான் அந்த அவர்

ஆனால் கண்ணிய வான்களின் விளையாட்டு என்று சொல்லப்பட்டு வரும் கிரிக்கெட்டில் அதை நிரூபித்து காட்ட சந்தர்ப்பம் ஒன்று இங்கிலாந்து அணித்தலைவருக்கு கிடைத்திருந்தது. நேற்றைய போட்டியில் இலங்கை அணி தொடர்ச்சியான சரிவுகளை சந்தித்து கொண்டிருந்த போது சரிவில் இருந்து சற்று தூக்கி கொண்டு வந்தவர் மத்தியூஸ். எப்படியாவது ஒரு கௌரவமான எண்ணிகையை பெற்று கொடுக்க துடித்தவர் ஒரு தருணத்தில் 2 ஓட்டங்கள் பெரும் வாய்ப்பொன்றை பெற்றார் முதல் ஓட்டம் பூர்த்தியானதும் இரண்டாவது ஓட்டத்திற்கு தயாரான போது எதிர் பாரா விதமாக பந்து வீச்சாலரோடு மோதிக்கொளும் நிலை உண்டானது இதனால் இவரால் 2 ஓட்டத்தை பூர்த்தி செய்ய முடியாமல் போக விக்கெட் காப்பாளர் ஆட்டமிழக்க செய்வதற்கான் முயற்சியில் ஈடு பட்டிருந்தார். அவரின் முயற்சிக்கு பலனாக மத்தியுசூம் ஆட்டமிலந்ததாகவே ஆரம்பத்தில் அறிவிக்கபட்டது. ஆனால் முடிவில் திருப்தி அடையாத மத்தியூஸ் நடுவர்களிடம் முறையிட்ட போதும் அது அப்பொழுது பயனளிக்க வில்லை. கடுப்பான மத்தியூஸ் பவிலியன் திரும்ப முன்னரே டாய் தம்பி இங்க வா உனக்கு இன்னொரு சான்ஸ் தந்தா சூப்பரா விளையாடுவியா? உடனே மத்தியுசூம் கண்டிபாங்க, சரி போனா போகுது பொழச்சு போ என்று இங்கிலாந்து அணித்தலைவர் straus வாய்ப்பை வழங்கினார். இந்த நிகழ்வே கிரிக்கெட் கண்ணிய வான்களின் விளையாட்டு என்பதை இன்னொரு முறை நிரூபித்திருக்கும்.( அதற்க்கு பிறகு மத்தியூஸ் வந்த வாய்ப்பை சொதப்பியது வேற கதை)

2 வது ஓட்டம் பெற முட்ட போது மோதிகொள்கின்றனர்

நடுவரிடம் முறையிடும் மத்தியூஸ்

இதே போன்ற ஒரு நிகழ்வு இலங்கையில் ஆஸ்திரேலிய அணிக்கெதிராக இடம் பெற்ற போது
(ஆண்டு, காலம், கோப்பை எல்லாம் மறந்து போச்சு) அதிரடி நாயகன் சைமண்ட்ஸ் (இவரும் மைதானத்தில் அந்த மாதிரி respect கொடுப்பவர் அட உண்மையாங்க) LBW முறையில் ஆட்டமிழந்ததாக peter manul ( அப்பா இதாவது நினைவில இருக்கே) அறிவித்தார் இருந்தாலும் இதை தவறென்பதை சுதாகரித்து கொண்ட அவர் இது சம்பந்தமாக அப்போதைய இலங்கை அணித்தலைவர் அத்தபத்துவிடம் சொன்ன போது அவரை அழைத்து விளையாட சொன்னார்.இதுவும் அன்றைய தினம் எல்லாராலும் பாராட்டப்பட்ட ஒரு நிகழ்வு,.

ஏய் தம்பி இங்க வாப்பா...!

இப்படிப்பட்ட ஒரு அணி இவ்வாறான பெயரை பெற எத்தனை காலம் உழைத்திருக்கும் அதை ஒரு சொற்ப நொடியில் இழந்து விட எவறும் அனுமதிக்கவே கூடாது. இலங்கை கிரிக்கெட்டே விழித்துகொள்.

நான் தப்பு செஞ்சா மன்னிச்சு கொங்கப்பா